Долината на реката Нил е место кое на посетителите на Египет им го нуди едно од најпрекрасните патувања во историјата. Во неа се наоѓаат античките градови Луксор и Асван.
Недалеку од Луксор се наоѓа Карнак, селото во кое се наоѓа најголемиот комплекс на фараонски храмови. Има и бројни светилишта, столбови и обелижја посветени на тебанските богови и фараони. На посетителите им се дава можност да го обиколат големиот храм на богот Амон Ра, кој е украсен со бројни џиновски камени столбови украсени со цртежи и хиероглифи.
Авенијата на Сфингата долга три километри води од Карнак до колосалните статуи на Рамзес Втори на влезот од храмот Луксор, светилиште кое луѓето го посетуваат од 13 век п.н.е.
Западниот брег на Нил во близина на Луксор е местото што ги крие гробниците на фараоните. И додека Долината на кралевите не остава некој впечаток однадвор, нејзината внатрешност е уникатна галерија на исклучително добро сочувани слики и цртежи кои изгледаат како да се создадени вчера.
Храмот во Едфу е посветен на богот на сонцето Хорус, кој најчесто е претставен како сокол и е најцелосно зачуваниот антички храм во Египет.
Областа околу градот Ком Омба е место кое некогаш било населено со нилски крокодили, кои и денес можат да се видат на релјефите на блиските храмови, а кои биле мумифицирани кога умирале.
Филе, недалеку од Асуан, се смета за местото каде што се напишани последните хиероглифи во 394 година од нашата ера, пред христијанството да се прошири низ областа. Многу релјефи на храмот што се наоѓа таму се оштетени, па над нив биле издлабени христијански симболи.
Рамзес II го изградил Абу Самбел на западниот брег на Нил уште пред 3.000 години, но во 1960-тата година двата храма биле преместени, камен по камен, поради изградбата на браната Асуан и создавањето на езерото Насер.
Најдобар начин целосно да се види ова непроценливо историско богатство на цивилизацијата е крстарење по Нил, со стручни водичи кои можат да им ја објаснат на посетителите историјата зад бројните споменици и симболи, и со својата приказна да го оживеат овој најнеобичен и најголем музеј на отворено во светот.
Според изборот на „Lonely Planet“, долината на Нил е дестинацијата која на посетителите им нуди најмногу за вложените пари.