Calanque d’En-Vau е најубавата плажа во Националниот парк Calanque, која зафаќа околу 520 квадратни километри во јужна Франција помеѓу Марсеј, Касис и Ла Сиотат. Некои тврдат дека е една од најубавите плажи во Франција, но и на целиот Медитеран.
Тоа е атрактивна плажа со камчиња опкружена со високи карпи и кристално сино море. Поради својата вдлабната положба, тaa е скриена од љубопитните очи, а многу луѓе се чувствуваат како последните луѓе на земјата.
До плажата се стигнува со брод или од копно – пеш. Имајте на ум дека во просек се потребни два часа брзо одење од Касис до плажата, а еден час помалку од Порт Миу.
Патеката во спротивна насока е малку подолга поради качување по карпи, па затоа не се препорачува за време на високите горештини во јули и август. Згора на тоа, поради можноста за пожар во средината на летото, патеките до Calanque d’En-Vau порано беа затворени за јавноста. Треба да проверите пред да одите таму.
Плажата беше популаризирана со филмот „Фантомас“ од 1964 година – еден вид француска верзија на Џејмс Бонд која го воодушеви светот. Токму на Calanque d’En-Vau француските власти го бараа недостижниот Фантомас.