Тензијата е на врвот: Наскоро излегува последната сезона на хит серијата The Crown
Во последната сезона на хит-драмата на Нетфликс, The Crown, тензијата го достигнува својот врв. Многу љубов и солзи, малку помалку смеа, смрт и трагедија, сето тоа ќе биде вклучено во шестата сезона за која конечно го знаеме точниот датум на излегување.
The Crown е една од најуспешните серии на оваа тема, а ја гледаме од 2016 година кога имавме можност да видиме автентични сцени од самиот почеток на владеењето на кралицата Елизабета Втора.
Првата сезона започна со наследувањето на тронот и бракот со принцот Филип, а оттогаш оваа вредна серија ја прераскажува сочната кралска приказна, поглавје по поглавје.
Последната сезона ќе ги врати гледачите во 1997 година, токму таму каде што застана петтата сезона и ќе ја следи монархијата до 2005 година. Тоа ќе биде интересно патување низ деведесеттите, со посебен акцент на трагичната смрт на принцезата Дијана.
Сепак, тоа ќе ги стави принцот Вилијам и Кетрин Мидлтон во преден план. Минатата година дознавме дека најпознатиот пар ќе го играат млади актери – Мег Белами ќе ја игра Кејт, додека Руфус Кампа и Ед Меквеј ќе го играат младиот Вилијам.
Фотографиите премиерно објавени од Нетфликс ни дадоа мал поглед на позачинетите работи што ќе ги видиме на малите екрани, носејќи не во Шкотска на почетокот на 2000-тите. Принцот Вилијам тогаш се запишал на Универзитетот Св. Ендрјус, надевајќи се дека ќе се извлече од сите тензии што му го нарушувале мирот.
Таму сакал да ги наполни батериите пред да ги преземе кралските должности и не ни помислувал дека ќе ја најде љубовта на својот живот. Токму на кампусот започна неговата кралска иднина, кога се сретна со колешката од Беркшир – Кејт Мидлтон, објави Нетфликс минатата година.
Иако креаторите на серијата сè уште не го објавиле официјалниот заплет на приказната, со оглед на историската точност на The Crown, можеме да заклучиме дека серијата ќе го следи и 11 септември, Златниот јубилеј на кралицата, смртта на принцезата Маргарет и кралицата Мајка.
Нетфликс објави дека шестата сезона ќе излезе во два дела. Првиот дел ќе пристигне на 16 ноември, а вториот, последен дел, ќе биде достапен од 14 декември.