Том Круз го опиша седмиот дел од „Mission: Impossible“ како епска авантура

Познатиот американски актер Том Круз изјави дека седмиот дел од франшизата „Невозможна мисија“ е епска авантура.

Холивудската ѕвезда рече дека филмот од два дела е кулминација на сите негови вештини и дека дури и оние кои не се запознаени со франшизата ќе имаат „епска авантура“.

„(Овој филм) беше кулминација на сите мои вештини… Се случува многу…најважниот дел е снимањето и раскажувањето на приказната“, вели Круз, кој ја повторува својата улога на шпионот Итан Хант во Невозможна мисија 7, додека Силите за невозможна мисија (IMF) се обидуваат да откријат застрашувачко ново оружје што му се заканува на целото човештво.

Во седмото продолжение играат Сајмон Пег, Хејли Атвел и Винг Рејмс заедно со Круз.

Говорејќи на премиерата на филмот во Лондон во четвртокот, Круз рече дека сонувал да снима филмови уште од дете и дека е посветен на преземање нови предизвици и учење на нови вештини.

„Кога имав три или четири години скокав од покривот и се качував на дрвја – сакав да снимам филмови, сакав авантура, сакав да патувам низ светот“, рече тој.

Седмиот дел од франшизата ќе започне да се прикажува во САД од 12-ти јули, а неколку дена подоцна во Европа.