Трновачко Езеро е популарна туристичка атракција на крајниот запад на Црна Гора. Станува збор за планинско езеро долго 825 метри и широко 715 метри, кое се издига на 1517 метри надморска височина во природниот парк Пива.
Се верува дека е езеро со глацијално потекло кое се наоѓа во близина на границата со Босна и Херцеговина, кое е опкружено со планини повисоки од 2000 метри – планината Волујак на југ и Маглиќ на север.
До езерото може да се стигне по шумски пат од Тјентиште за приближно 1,5 часа пешачење. Патеката од правец на Плужина е нешто попредизвикувачки и подолга, а поради големото искачување ќе ви требаат околу пет до шест часа пешачење, откриваат на официјалната веб-страница на паркот Пива Парк.
И покрај ова, многумина сакаат да го видат во живо и се подготвени да направат секаков физички напор за тоа. Главната причина за тоа е неговата магична убавина, но и фактот што езерото има природен облик на срце.
Во плитките делови на езерото водата е бистра, па дури и безбојна, додека во подлабоките делови добива интензивна зеленикава боја. Во текот на зимата, езерото често целосно замрзнува, создавајќи неверојатни сцени направени за фотографирање.
Можете да го посетите во текот на целата година, но немојте да се изненадите ако тука најдете снег дури и во јуни. Зошто Трновачкото Езеро е популарна туристичка атракција во Црна Гора, проверете во нашата фотогалерија.
