Тешко е да се замисли модерниот живот без телефон. Користењето мобилни телефони стана наше секојдневие, но уредите се истрошуваат со текот на времето и бројот на оштетувања се зголемува. Правилното одржување е неопходно за подолг век на траење на телефонот, а една од најважните работи е да знаете како правилно да го наполните, како и грешки што треба да ги избегнете.
Подолу се најчестите грешки што луѓето ги прават со телефоните кои им го скратуваат животниот век:
Оставање на полначот во штекерот
Полначот оставен во штекерот не само што доведува до повисоки сметки за струја, туку е и многу опасен. Трансформаторот ослободува топлина, а акумулацијата на топлина може да доведе до пожар или краток спој во трансформаторот што може да предизвика пожар.
Празнење на батеријата до крај и полнење до 100 проценти
Батериите на телефонот се направени од литиум и работат во циклуси на полнење. Ако ја оставите батеријата целосно да се исцеди, полека го уништувате вашиот уред. Исто така, не треба да ја полните батеријата до 100 проценти, ниту пак да го оставате мобилниот на полначот подолго од тоа. Полнењето до крај всушност го скратува животниот век поради одреден број циклуси на полнење. Дополнително, оставањето на мобилниот на полначот преку ноќ доведува до повисока сметка за струја, нарушувајќи го циклусот на полнење и прегревање на уредот.
Користење на телефонот додека се полни
Празнењето на батеријата додека се полни, става голем стрес врз батеријата. Доколку треба нешто да направите на мобилниот телефон, извадете го од полначот, а кога ќе завршите, повторно вратете го на полнење.
Користење на различни полначи
Кога купувате нов телефон, обично добивате соодветен полнач со него. Најдобро е секогаш да го користите оригиналниот, а не другите полначи кои ви се достапни. Јачината на полнење е различна за секој полнач и мобилен, па затоа е важно секогаш да се полни со соодветна јачина. Исто така, секогаш е подобро да користите штекер наместо да го полните од други уреди, како лаптоп.