Фантастично село од бајките никна на обработливо земјиште во Ајвингхо во близина на Лејтон Базард во Англија. Станува збор за филмски сет за филмот „Wicked“ во режија на Џон М. Чу, кој неодамна почна да се снима на оваа локација во Обединетото Кралство.
Филмот „Wicked“ е заснован на истоимениот роман на Грегори Мегваер од 1995 година и популарниот мјузикл што го полуде Бродвеј и Вест Енд на почетокот на овој милениум. Се случува во Оз пред доаѓањето на Дороти и ја следи Елфаба – девојка со зелена кожа која станува Злобната вештерка на Западот.
Според првите фотографии, евидентно е дека филмското село е преполно со шармантни куќи со шарени сламени покриви, а се гледа и познатиот пат од жолти тули од Волшебникот од Оз.
Поголемиот дел од сетот беше префабрикуван во Скај студиото Елстри, а создавањето на измислениот Munchkinland започна во ноември минатата година. Во соседното поле се поставени и зелените куполи на таканаречениот Емералд град, кој е исто така важен за оваа филмска приказна.
Филмската адаптација во два дела на „Wicked“ со Аријана Грејд и Синтија Ериво во главните улоги ќе продолжи да се снима до почетокот на август, а првиот дел од филмот ќе биде отворен во кината ширум светот на 27 ноември 2024 година.
Фановите се воодушевени од првите фотографии и едвај чекаат да го видат ова фантастично достигнување на големиот екран. Доколку филмот го постигне очекуваниот успех, Ајвингхо наскоро би можел да стане главна туристичка атракција во тој предел.