Иако Скопје е еден од градовите кои се сметаат за пријателски настроени кон туристите, бидејќи многу странци кои ја посетуваат нашата престолнина прво ја истакнуваат дружељубивоста на локалното население, тој сепак не се најде на листата што од година во година ја објавува „Cntraveler“, врз основа на на мислењата на читателите. Посебно е интересно што повеќе од половина од најпријателските градови во целиот свет се надвор од европското тло.
Наградата „Readers’ Choice awards“ се доделува врз основа на мислењето на читателите на споменатата веб-страница за тоа како се чувствувале при посетата на некој град, односно дали локалното население било гостопримливо или не. Тие требаше да дадат одговор и на прашањата дали можат без мака да се движат низ одреден град и дали жителите им давале соодветни упатства и генерално имале желба да им помогнат.
За претходната година, листата на 10 најпријателски градови изгледа вака.
1. Викторија, Британска Колумбија, Канада
И покрај тоа што овој град има релативно мала популација, имајќи предвид дека е главен град на Британска Колумбија, читателите беа особено задоволни од енергијата на самиот град. Одличните музеи, убаво уредените паркови и исклучително богатата природа се она што се истакнува за туристите.
2. Даблин, Ирска
Се издвојува атмосферата во главниот град на Ирска, која прави секој турист да се чувствува речиси како дома, а тоа е примарна причина поради која Даблин се наоѓа на високото, второ место на оваа листа.
3. Квебек, Канада
Кој ќе се најде во Канада и ќе го посети Квебек ќе го почувствува духот на европските дестинации. Стариот дел на градот е заштитен од УНЕСКО и е познат по калдрмите, романтични улици и многу интересни кафулиња. Луѓето во овој град не само што се љубезни кон туристите, туку и се трудат да им бидат од корист.
4. Единбург, Шкотска
Главниот град на Шкотска има по нешто за секого. Чувството дека се добредојдени, иако се странци, го споделија и многу туристи кои го посетиле, а учествувале во ова истражување. Атмосферата на градот е окарактеризирана како „уметничко-кул“, што на туристите им е особено интересно. Ништо помалку од рестораните и градската архитектура, во кои преовладуваат готските елементи.
5. Сиднеј, Австралија
Иако љубезноста на жителите на овој австралиски град често се наведува како една од предностите на посетата на Сиднеј, не треба да заборавиме дека во тој град се наоѓаат некои од најубавите ресторани и плажи.
6. Пуерто Ваљарта, Мексико
Уживањето на плажа, прошетката или некои спортови на вода обично се издвојуваат како причини за посета на овој мексикански град. Покрај тоа, Пуерто Ваљарта се смета за град кој е особено пријателски настроен кон членовите на ЛГБТ популацијата.
7. Порто, Португалија
Освен по жителите, кои на најдобар можен начин го претставуваат овој град, Порто е познат и по своите вина, но и по фасцинантните пејзажи.
8. Кејп Таун, Јужна Африка
Иако брегот на Кејп Таун е рангиран меѓу најдобрите во целиот свет и често се истакнува како една од основните причини за посета, градот има и многу интересни угостителски објекти, како и винарии и плажи и други атракции.
9. Лисабон, Португалија
Со оглед на тоа дека главниот град на Португалија е една од најпосетуваните европски дестинации, сосема е јасно зошто и Лисабон е на оваа листа.
10. Кјото, Јапонија
Запознавањето со историјата на царската Јапонија е можно во Кјото, кој се смета за еден од најинтересните градови во целата земја. Храмовите изградени во текот на 10 век, но и модерните, уметнички простори се причините поради кои туристите често се воодушевени од овој град. Плус, познато е дека локалното население е исклучително туристичко настроено.