Почнува судењето на Алек Болдвин, еве колку затворска казна му се заканува на холивудскиот актер

10 јули, 20240
Screenshot_21

Судењето на американскиот актер Алек Болдвин за ненамерно убиство на снимањето на филмот „Раст“започна денеска, 9 јули, иако се уште не се знае дали Болдвин ќе сведочи.

 

 

 

 

На Болдвин, кој беше на слобода без кауција додека го чекаше судењето, иако не може да пие алкохол или да поседува огнено оружје, му се заканува затворска казна до 18 месеци доколку биде прогласен за виновен, пишува Асошиејтед прес.

 

Актерот вчера имаше прелиминарно рочиште за прифатливи докази и се очекува секој ден да биде на суд.

 

Изборот на поротата започна денес, а судијката Мери Марлоу Самер вчера рече дека очекува статусот на славна личност на Болдвин нема да ги спречи да изберат порота во еден ден и да започнат расправии почнувајќи од утре.

 

Болдвин остана на своето изјаснување за невин и рече дека не го повлекол чкрапалото додека вежбал пукање со пиштол за време на пробата што ја убила директорката на фотографија Халина Хачинс и ранила уште едно лице, но обвинителите тврделе дека Болдвин ги игнорирал безбедносните стандарди за ракување со огнено оружје на сетот.

 

Неговите адвокати тврдеа дека тој не треба да биде прогласен за виновен бидејќи немало причина да мисли дека пиштолот бил наполнет со вистински куршум, бидејќи боева муниција наводно не била дозволена на снимањето.

 

Судењето, кое ќе се пренесува во живо на телевизија, се очекува да трае околу две недели и ќе се одржи во окружниот суд Санта Фе во Ново Мексико.

 

Хачинс беше убиена на 21 октомври 2021 година, за време на случајно пукање, а Болдвин држеше пиштол кога испукан куршум ја погоди Хачинс во градите, а режисерот Џоел Соуза во рамото.

 

Иако Болдвин рече дека не го повлекол чкрапалото, обвинителството рече дека има негови фотографии со прстот на чкрапалото и дека пиштолот не можел да пука доколку не се повлече чкрапалото.

 

Во неодамна објавените судски документи, обвинителите тврдат дека Болдвин „не бил контролиран“ со своите емоции на снимањето и дека „често врескал и пцуел себеси, членовите на екипажот или кој било конкретно без посебна причина“.

 

Хана Гутиерез-Рид беше прогласена за виновна во март за убиство од небрежност за нејзината улога во смртта на Хачинс.

 

Таа беше обвинета за игнорирање на безбедносните протоколи кои можеа да идентификуваат живи куршуми и доби максимална казна од 18 месеци за убиство од небрежност, откако судијата одлучи дека не ја прифатила одговорноста или покажала каење.

Leave a Reply

Your email address will not be published. Required fields are marked *

escort - Korsan taksi - anlaşmalı boşanma