Блескавата и нежна кожа не е недостижна: Ако ги имате овие навики, веднаш престанете со нив

Сите жени сакаат да имаат сјајна и блескава кожа на лицето, но на многумина тоа им изгледа недостижно. Причините се лошите навики кои несвесно се применуваат, но лошо делуваат на кожата на лицето. Овие се најчестите:

Нередовен пилинг на лицето

Пилингот ги отстранува мртвите клетки од кожата кои се акумулираат на нејзината површина, а овој чекор во грижата е клучен за здрава и сјајна кожа. Целта е да се стимулира обновувањето на кожата и да се подобри нејзиниот изглед. Но и вие не треба да претерувате. Премногу пилинг ќе ги отстрани и природните масла од кожата и на тој начин ќе ја оштети заштитната бариера која ја одржува хидрирана и здрава. Ова може да доведе до различни проблеми, вклучувајќи сувост, иритација и зголемена чувствителност поради нарушената природна рамнотежа. Правете пилинг најмногу два пати неделно. Ова ќе и даде на кожата доволно време да се опорави и да се регенерира помеѓу пилинг.

Не користите фактор за заштита од сонце

Една од водечките причини за оштетување на кожата е изложеноста на штетните сончеви УВ зраци без заштита, односно креми со заштитен фактор. Ова доведува до предвремено стареење на кожата, хиперпигментација и нерамномерен тен. Најсериозна последица од некористење заштитен фактор е ракот на кожата. Важно е дури и во навидум облачни денови, до 80% од штетните УВ зраци на сонцето можат да поминат низ облаците. Затоа е важно секојдневно да нанесувате крема за сончање или дневен крем кој има заштитен фактор доколку сакате цврста и младешка кожа на лицето.

Не пиете доволно вода

Кога вашата кожа се чувствува сува, запрашајте се колку вода сте испиле тој ден. Тоа е честа грешка која може да има значително влијание врз здравјето и изгледот на кожата. Доволната количина на вода ја обезбедува кожата со потребната хидратација за да ја направи сјајна и еластична.

Не чистите двојно

Можеби ви се чини дека е доволно да ја отстраните шминката навечер со лосион или тоник, но не е. Експертите нагласуваат дека е неопходно двојно чистење, особено кога имате комплетна шминка, од подлога и пудра до кармин. Двојното чистење вклучува отстранување на шминката со масло, млеко или лосион, а потоа користење на гел за миење за да се отстрани нечистотијата и остатоците од шминката.