Венеција од денеска почнува да им наплаќа влезници на туристите кои доаѓаат на еден ден.
Оваа мерка е донесена со цел да се намали притисокот врз Венеција која тоне под тежината на масовниот туризам.
Посетителите кои доаѓаат на еднодневно патување од денеска ќе треба да купат билет од пет евра, кој ќе го контролираат инспекторите на клучните локации.
Минатата година 3,2 милиони туристи поминаа барем една ноќ во стариот град, но десетици илјади луѓе преку ден се слеваа на тесните улички на градот, честопати од бродови за крстарење, за да ги видат знаменитостите, вклучувајќи го и плоштадот Свети Марко.
Целта на воведувањето билети е да се поттикнат дневните патници да доаѓаат во поретки периоди со цел да се намали гужвата, пренесува Hina.
Билетите ќе може да се резервираат преку Интернет и ќе покриваат 29 денови од шпицот помеѓу 25 април и 14 јули.