Вратете го сјајот на белите алишта: Ќе бидат како нови со овој трик

Со текот на времето, белите алишта добиваат сива или жолтеникава боја. Овие трикови за перење алишта ќе помогнат да се врати нивната белина и сјај, дури и во случаи кога обоена чорапа или маичка случајно ќе добие црвеникава или сина нијанса. Пред да започнете, проверете ја етикетата за нега. Ако пишува дека не смее да се избелени (триаголник знак со буквата X), тогаш не правете го тоа.

Трик со крпа

Една мајка објави видео на TikTok во кое покажа како пере и се грижи за бели алишта, а сите жени беа воодушевени. Ако сакате вашите бели алишта да бидат секогаш бели без да користите белило, ставете прашок за перење и бела крпа натопена во детергент за садови во барабанот на машината, вели жената во нејзиното видео.

Алкохолен оцет

За да ја избелите белата облека, додадете шолја оцет во големо тенџере исполнето со вода (5 литри). Оставете да зоврие, па истурете во леген и потопете ја гардеробата. Оставете го преку ноќ и следниот ден измијте го во машина за перење како и обично.

Сода

По употребата на сода бикарбона, облеката не само што ќе биде посветла, туку и ќе мириса на свежо. Додадете половина чаша (250 ml) сода бикарбона во детергентот во машината за перење кога ги перете алиштата и измијте ги како и обично. Ќе блеснат како нови.