Повеќето луѓе само ја чувствуваат почвата за да проверат дали на растението му треба наводнување или не. Ако почвата е влажна, тогаш не и треба вода, а ако е сува, треба да се полева.
Но, тиктокерот Саманта има поедноставен трик со кој може во секунда да провери дали на растението му треба вода или не.
„Татко ми ме научи на еден од најдобрите градинарски трикови. Ова ќе ви заштеди време, а ќе го спаси и животот на вашите растенија“, сподели Саманта со своите следбеници.
„Најдобар начин да откриете дали на вашето растение му треба вода? Само клоцнете ја саксијата“, рече таа.
@samantharoseholdren How to tell if your plant needs water 🌱 #gardenhack #gardenhacks #gardeningforbeginners #gardeningtiktok #plantmom
Ако по тој мал удар саксијата, односно садот во кој се наоѓа растението, не се помрдне, Саманта вели дека тоа значи дека растението уште не треба да се полева. Ако се движи, му треба вода, пренесува Мирор.
Над 85 илјади корисници им се допадна на ова видео, а една корисничка потврди дека и самата го користи овој совет за градинарство. „Нема да лажам, како професионален хортикултурист, шетам по пластеници правејќи го ова цел ден.“