Забавете го стареењето и продолжете го животот: Овие едноставни навики подмладуваат, во една посебно ќе уживате!

Сè што пиете и јадете, физичката активност и другите навики придонесуваат за добро здравје и младешки изглед. Еве што треба да направите за да го забавите стареењето:

Не седете цел ден

По 35-тата година, околу еден процент од мускулната маса се губи годишно, што создава ризик за остеопороза и почести фрактури на коските. Затоа е важно да се движите секој ден, а експертите препорачуваат 4-6.000 чекори дневно или активности како пливање и јога. Ги зајакнува нозете и мускулите.

Јадете мешунки и овошје

Храната богата со влакна (мешунки, житарки) помага во регулирање на шеќерот и холестеролот во крвта. Овошјето со големо количество на витамини Ц, Е и други антиоксиданси штитат од болести. Здравите масти од рибата и јаткастите плодови го штитат здравјето на срцето. Затоа оваа храна треба да биде на вашето мени секоја недела, вели д-р Ника Голдберг од домот за стари лица „Атриа“ во Њујорк.

Спијте најмалку 7 часа

Луѓето кои спијат помалку од 7 часа секоја вечер имаат повисоки нивоа на стрес хормони, шеќер во крвта и покачен крвен притисок, вели д-р Голдберг. Ако страдате од несоница, редовната физичка активност ќе ви помогне да се опуштите и полесно да заспиете. Спалната соба треба да биде темна, тивка и ладна.

Редовни интимни врски

Интимните односи 2-3 пати неделно го продолжуваат животот така што го намалуваат притисокот, го зајакнуваат имунитетот и го намалуваат нивото на хормоните на стресот. Студијата која опфатила околу 15.000 луѓе, објавена во „Journal of Sexual Medicine“, покажала дека смртноста е за 50 отсто помала кај постарите лица кои имаат интимни односи еднаш неделно во споредба со оние кои ретко ги практикуваат.

Пијте чај наместо кафе

Лековитите својства на зелениот чај се потврдени од медицината преку различни студии. Една шолја од овој чај дневно речиси ја удвојува можноста за добивање висок крвен притисок, помага при ревматизам и висок холестерол, а со тоа го продолжува животот. Сепак, треба да бидете внимателни, не се препорачува да се консумира повеќе од таа количина, а за консумирањето треба да се консултирате со вашиот лекар.

Избегнувајте алкохол и цигари

Студијата на Универзитетот Оксфорд покажа дека алкохолот го забрзува биолошкото стареење. Експертите анализирале околу 250.000 луѓе и заклучиле дека оние кои пијат повеќе од 17 алкохолни пијалоци неделно живеат пократок живот. Причината е што алкохолот го зголемува ризикот од срцеви заболувања, рак и Алцхајмерова болест во подоцнежните години. Цигарите лошо влијаат на здравјето на срцето, белите дробови и грлото, па затоа треба да ги избегнувате и двете.