За сјајна и мазна коса, талогот од кафе може да помогне: Неколку минути за здрава и негувана коса

Кафето е еден од омилените пијалоци на многу луѓе, особено наутро. Доброто, црно кафе ги буди за краток временски период, но освен што ќе го внесе во организмот, може да има и придобивки во служба на убавината.

Не е невообичаено да се слушне како жените мешаат кафе со разни масла, а потоа го тријат на бутовите за да се ослободат од целулитот, но можете дури и да додадете кафе во балсамите за коса.

– Мешањето на талог од кафе со регенератор може да ја направи вашата коса сјајна и мазна, а со помош на пилинг на скалпот, можете да го намалите опаѓањето и да ја подобрите циркулацијата на крвта во главата – вели Равен Хуртадо, стилист во салон во Чикаго а пренесува “Glam”.

Како да го искористите талогот од кафе во служба на убавината на косата?
Измешајте една лажица талог од кафе со вашиот омилен регенератор и нанесете ја на косата како што обично нанесувате регенератор. После тоа, исплакнете. Овој третман можете да го правите до два пати неделно за да ги видите резултатите, советува Хуртадо.

Овој третман може да го направи секој кој сака дополнителен сјај на косата, па затоа не постои одредена група на луѓе. Важно е да се напомене дека треба да вклучите и пилинг на скалпот во вашата рутина за целосно чувство. Сепак, имајте предвид дека ако имате посветла боја на коса, внимавајте кога нанесувате кафе бидејќи е јако и може да ја затемни. Исто така, доколку планирате да направите пилинг со талог од кафе, тоа може да предизвика дамки на косата и скалпот. Погрижете се добро да ја измиете косата за да не гледате црни точки на навлаката за перница додека спиете.