Најкраткиот лет на светот, кој влезе во Гинисовата книга на рекорди, е оној меѓу два шкотски острови од архипелагот Оркнеј.
И додека најдолгиот лет во светот, оној меѓу аеродромот ЏФК во Њујорк и аеродромот Чанги во Сингапур, трае речиси 19 часа, најкраткиот лет во светот трае само – минута и пол во просек. Во реалноста, пишува Express, времетраењето на летот е всушност поблиску до една минута.
Летот трае помалку време отколку што им е потребно на повеќето авиони за да стигнат до висина на крстарење.
Рекордот за најбрз лет е 53 секунди, а го управувал пилотот Стјуарт Линклејтер, пилот кој ја летал кратката рута повеќе од 12.000 пати пред да се пензионира во 2013 година.
Патувањето покрива околу осум километри над вода, што е, на пример, приближната должина на пистата на аеродромот во Единбург.
Услугата помеѓу Westray и Papa Westray беше воведена во 1967 година и е управувана од Loganair од нејзиното основање. Летови во двете насоки има секој ден, освен сабота, кога е можно само да се лета од Вестреј до Папа Вестреј.
Иако приближно 70 жители на Папа Вестреј летаат на оваа рута поголемиот дел од годината, во екот на сезоната летовите се полни со туристи и дневни патници кои сакаат да го искусат ова уникатно патување.