Сесилија Бломдал живее со нејзиниот партнер Кристопфер и нејзиното куче Грим во еден од најсеверните градови во светот – во близина на Лонгјарбиен на островот Спитсберген. Станува збор за место на норвешките острови по име Свалбард, во Арктичкиот Океан, кој се наоѓа во близина на Северниот Пол.
Животот на Свалбард не е лесен. Тоа го докажуваат и видеата на Јутјуб каналот на Сесилија каде ја следат повеќе од 800.000 љубопитни луѓе.
Сонцето не заоѓа 100 дена во годината – од крајот на април до крајот на август, во Свалбард трае поларниот ден, што може да го наруши нормалниот сон на жителите. Од крајот на октомври до средината на февруари, сепак, трае поларната ноќ, а за време на овој природен феномен е темно 24 часа на ден.
Носењето огнено оружје овде е сосема нормално. Поради опасноста од напади на поларни мечки надвор од населените места, секој мора да биде опремен со соодветни средства за плашење и одбрана.
View this post on Instagram
Само еден супермаркет
И да, тука ништо не расте, а целата храна се доставува со бродови и авиони. Затоа не е чудно што цените на свежата храна се доста високи.
Svalbardbuttiken е единствениот супермаркет во Свалбард и нуди типични производи – од зеленчук и овошје, до месо и риба, до козметика, домашна опрема и слични потреби.
Сесилија овде го прави својот неделен шопинг, а на месечно ниво троши околу 1.200 евра за двајца. Како, се прашувате?
Помало пакување свежи пилешки гради без коски чини 165 норвешки круни или околу 14 евра. Шест ролни тоалетна хартија ќе ве чинат 7,5 евра, килограм банани околу 3 евра, а авокадо дури 4 евра.
Изненадувачки „евтина“ храна
„Секогаш е добро да се провери датумот на пакувањето, бидејќи не е невообичаено на храната да е изминат рокот“, признава Сесилија во своето видео. Згора на тоа, ако храната е за јадење и истечен рок, продавницата ќе ви понуди огромен попуст од 50 до 70 проценти, само за да се ослободи од робата.
Што можете да купите во Свалбард и колку чини храната на овој норвешки архипелаг, погледнете во видеото на Сесилија Бломдал.