Кравјото млеко ви предизвикува тешкотии? Ова е најдобрата замена за него

Ако не можете да пиете кравјо млеко, бидејќи сте нетолерантни на лактоза, не треба целосно да се откажете од „белиот“ пијалок, кој е важен за нашето здравје, а за децата и младите, за раст и развој.

Доколку сте имале дилема, еве го решението – сојата е најдобрата алтернатива. Ова го покажа студијата на Универзитетот Мекгил, во која беа истражени карактеристиките на четирите најчести замени за млеко – соја, бадем, ориз и кокос.

Иако најчесто го избегнуваме, бидејќи нема многу пријатен вкус или мирис, тоа е најздраво и има антиканцерогено дејство.

Од друга страна, повеќето претпочитаат бадемово млеко, кое има здрави масни киселини, но нема други хранливи материи, исто како и оризовото млеко.

Кокосовото млеко значително помага во намалувањето на лошиот холестерол, но бидејќи нема протеини и главно се состои од масти, долгорочно не се препорачува.