Не ви се вежба? Едно апче би можело да го забрза процесот на слабеење, објаснуваат експертите
Научниците од Универзитетот во Вашингтон развија лек кој може да помогне да се спречат состојби поврзани со стареењето, како што се деменција и срцева слабост. Дополнително, новата пилула би можела да ги понуди истите придобивки како вежбањето, вклучувајќи го и растот на мускулите и перформансите.
Лекот потенцијално може да третира состојби како што се дебелина и мускулна атрофија. По една деценија работа, научниците од Универзитетот во Вашингтон развија соединение наречено SLU-PP-332 кое активира специјализирани протеини познати како рецептори поврзани со естроген (ERRs).
Метаболичките промени поврзани со вежбањето предизвикуваат активирање на ERR, кои доаѓаат во три форми: ERRa, ERRb и ERRg. SLU-PP-332 ги активира сите три форми, вклучувајќи ја и најтешката за активирање, ERRa. Овој ERR ги регулира физиолошките реакции предизвикани од вежбање и други важни физиолошки процеси во мускулите.
„Сите знаат дека вежбањето е добро за телото и умот, но не секој може да вежба. Затоа, овој лек може да биде корисен за имитирање или подобрување на ефектите од вежбањето кај постари луѓе, луѓе со одредени болести или оние кои се соочуваат со губење на мускулите поради други лекови“, рече професорот по анестезиологија на Универзитетот во Вашингтон и главен истражувач Баха Елгенди.
Тој додаде дека ова може да доведе до развој на терапии за некои од најпредизвикувачките болести со кои се соочуваме денес, како што се невродегенеративните болести и срцевата слабост. Сепак, тој не ја промовира замената на вежбањето, но смета дека од ова апче би имале корист луѓето кои не можат или немаат време за вежбање.
Истражувачите ги тестирале апчињата на глувци и откриле дека тие го зголемуваат видот на мускулните влакна отпорни на замор додека ја подобруваат издржливоста на глувците кога трчале на лента за трчање за глодари.
Истражувачкиот тим ја спореди моќта на SLU-PP-332 со потенцијалот на новите соединенија со гледање на РНК од околу 15.000 гени во клетките на срцевиот мускул на глувчето. Новите соединенија предизвикаа поголемо зголемување на присуството на РНК, што сугерира дека тие поефикасно ги симулираат придобивките од вежбањето.
Се чини дека пилулата ги спречува и штетните процеси во мозокот кај пациенти со Алцхајмерова болест и други форми на деменција, пишува Дејли мејл.
Новата пилула, исто така, може да се спротивстави на ефектите на други лекови, вклучително и лекови за слабеење кои предизвикуваат губење на мускулите, како и губење на маснотии, рече професорот Елџенди.