Операцијата на Кејт Мидлтон била сериозна? Нови тврдења се појавија по зафатот што принцезата го имаше во тајност
Известувањата од палатата за здравјето на Кејт Мидлтон и кралот Чарлс пристигнаа за неколку часа еден од друг, но со големи разлики
Во рок од два часа откако Кенсингтонската палата ја објави „планираната абдоминална операција“ на принцезата Кејт на 17 јануари, Бакингемската палата објави дека кралот ќе биде подложен на операција за зголемена простата – вест што ја откри за да ги охрабри мажите да се консултираат со своите лекари.
За оваа недела е закажана корективна акција за бенигна состојба, што ќе доведе до привремено одложување на неговите јавни ангажмани.
Додека веста за здравјето на Кејт Мидлтон беше откриена дури по нејзината операција, објавата на Чарлс дојде непосредно пред планираната процедура.
„Имаше смисла да бидеме поотворени за тоа, бидејќи во спротивно луѓето би можеле да го помислат најлошото“, изјави извор од палатата за People.
Како монарх, здравјето на Чарлс е од големо значење, а неговата одлука да излезе во јавноста со неговата дијагноза веќе имаше влијание. Неговиот пост минатата недела поттикна пребарувањето за зголемување на простатата на веб-страницата на Националната здравствена служба на Велика Британија да се зголеми за илјада проценти.
Додека кралот Чарлс се одлучи за транспарентност во врска со неговата дијагноза, принцезата Кејт (42) се одлучи за дискреција, изразувајќи ја својата „желба да одржи што е можно повеќе нормалност“ за нејзините деца, принцот Џорџ (10), принцезата Шарлот (8) и принцот Луис. (5), како што се наведува во соопштението за печатот на палатата.
Иако планираната абдоминална операција на принцезата Кејт се смета за успешна, а кралските извори тврдат дека таа се чувствува „добро“, нејзиниот 10-14 дневен престој во болница и очекуваното тримесечно закрепнување дома предизвикаа загриженост. Палатата не сакаше да ја открие природата на нејзината состојба, но ги отстрани сомнежите за рак.
„Принцезата од Велс го цени интересот што ќе предизвика оваа изјава. Таа се надева дека јавноста ќе ја разбере нејзината желба да одржува што е можно повеќе нормалност за нејзините деца; и желбата нејзините лични медицински информации да останат приватни“, се вели во соопштението на палатата.
Блиските на принцот и принцезата од Велс велат дека семејниот живот е приоритет за парот. Планирани се јавни ангажмани и патувања околу нивните три деца – принцот Џорџ (10), принцезата Шарлот (8) и принцот Луис (5) – и нивните училишни одмори.
Принцот Вилијам (41) го „исчисти“ својот календар за да биде со Кејт и да го поддржува нивното семејство, па се очекува тој да продолжи со јавните обврски дури неколку дена откако таа ќе се врати дома. За тоа време, тој ќе се грижи за децата заедно со долгогодишната дадилка Марија Тереза Турион Борало и ќе им помогне при собирањето и возењето до училиште.