ПОСНА ПИТА ОД ШАМПИЊОНИ: Се прави лесно, а е идеална за било кој дел од денот

Потребно е:

500 гр лиснато тесто
300 гр печурки
1 кромид
2 чешниња лук
100 гр рендано растително сирење
масло за премачкување
сол и бибер по вкус

Подготовка:

Во тава загрејте го маслото, додадете го кромидот и лукот и пропржете додека не станат стаклени. Додадете ги сечканите печурки и пржете додека не омекнат и испари течноста. Додадете сол и бибер по вкус. Лиснатото тесто развлечете го на работната површина и поделете го на два дела. На првиот дел од тестото се става смесата со печурки, се посипува со рендано растително сирење, па се покрива со вториот дел од тестото. Нанесете облога со масло. Се пече во загреана рерна на 180 степени околу 25-30 минути или додека питата не порумени.