Пролетта е време да го освежиме изгледот: Фризерите ја решија дилемата за колку често треба да се шишаме

Честопати сакаме да го освежиме изгледот на пролет, па многу жени се одлучуваат да се потстрижат. И оваа година доминираат пократките фризури, а тоа е одлично бидејќи се практични и лесни за одржување.

Иако можеби не сте за драстична фризура, тоа не значи дека треба да заборавите на фризерскиот салон. Од време на време, врвовите треба да се исечат, особено ако се суви и испукани.

Друг показател дека е време за шишање е моментот кога копнеете за пократка, но и поздрава коса. Редовното потстрижување на врвовите го спречува кршењето на косата и расцепканите врвови, а мора да признаеме дека расцепените врвови се визуелно непривлечни и дека поради нив се чини дека косата полека ни расте. Се разбира, фризурата треба да се прилагоди на должината на косата.

Колку често треба да се шиша кратка и долга коса?

Експертите од Byrdie откриваат дека пократките боб фризури треба да се скратуваат на секои три до седум недели, што е логично ако сакаме да одржиме елегантен изглед. За коса со средна должина ќе биде доволно да се сече три до четири пати годишно. Ова важи и ако влакната не се видливо оштетени и расцепени. Во случај косата да испука, најдобро би било да посетувате фризер на секои два месеци.

Дури и долгата коса има потреба од редовно потстрижување. Ова ќе ги освежи слоевите и ќе спречи поделени врвови. Долгата коса е често чувствителна, тенка и склона кон кршење. Жените со брановидна или виткана коса исто така треба да се потстрижуваат на секои три месеци.

Како заклучок, нашата коса е различна, па зачестеноста на шишањето зависи од типот на косата, но и од тоа како ја одржувате, дали ја фарбате или не. Вие самите најдобро ќе процените кога е време за шишање, но може да ви помогне и вашиот фризер. Сепак, се чини препорачливо да се шишате на секои три месеци бидејќи на тој начин ќе го извлечете најдоброто од вашата коса.