Планината Марапи е активен вулкан во западна Суматра, Индонезија. Се наоѓа во планината Паданг, која е дел од Огнениот прстен, сеизмички многу активен појас што го опкружува Тихиот Океан во форма на потковица. Само Индонезија има дури 127 активни вулкани.
Планината Марапи е висока 2.891 метри, а најстарите записи за нејзините ерупции датираат од последната четвртина од 18 век. Беше најактивна на почетокот на 20 и повторно на почетокот на 21 век, иако најразорната ерупција, која однесе 60 животи, се случи во 1979 година.
Последната голема ерупција се случи во декември минатата година. Во моментот на ерупцијата, во областа на вулканот имало 75 планинари, од кои повеќето биле навреме евакуирани. Спасувачите пронајдоа три живи лица и 11 жртви, додека потрагата по уште 12 исчезнати лица е прекината од безбедносни причини.
Од првата ерупција на 3 декември 2023 година, постои забрана за пристап до вулканот поблиску од четири и пол километри од кратерот, а жителите на населбата во подножјето се раселени бидејќи вулканот не се смирува. Оттогаш избувна дури 326 пати, а својот гнев повторно го покажа на 15 јуни со исфрлање на колона пепел која потоа ја покри целата долина.