Со оваа фризура треба да одиме на спиење ако сакаме убава коса наутро: Пунџа или репче се грешка

Начинот на кој се грижиме за нашата коса пред спиење може да има огромно влијание врз изгледот на следниот ден.

За вашата коса да изгледа најдобро, клучно е, пред се, да не спиете со мокра коса. Ако ја миете косата навечер, дефинитивно треба да ја исушите пред да заспиете, бидејќи спиењето со мокра коса може да предизвика кршење и други оштетувања. Исто така, клучно е да ја четкате косата пред да одите во кревет.

Она што можете да го направите за вашата коса пред конечно да заспиете е да размислите за вашата фризура.

Зошто плетенките се најдобрата фризура за спиење?

Има една важна работа што треба да ја земете во предвид. Како ја носите косата навечер? Дали ja оставате слободно да ви падне преку лице и да се заплетка? Дали ja влечете во тесна пунџа или конска опашка? Ако вашите одговори се позитивни, треба да размислите повторно.

Опуштената коса може да предизвика таа да стане мрсна преку ноќ, додека носењето тесна фризура ги напрега вашите прамени и може да доведе до кршење или истенчување. Затоа многу фризери препорачуваат плетенка.

– Плетенките го спречуваат растегнувањето на косата насекаде и се добар начин за одржување на косата доколку веќе имате бранови – вели фризерот Нунцио Савијано, пренесува The List.

Носењето плетенка во текот на ноќта го намалува триењето помеѓу вашата коса и перницата, што значи дека е одличен начин за борба против кршењето. Плетенките исто така спречуваат заплеткување на косата, па дури и можат да помогнат да се заглави влагата. Носењето плетенка ќе ви даде фризура веднаш штом ќе станете и ќе ја одржи вашата коса свежа и чиста.

Клучот е да ја плетете сува косата и да ја држите опуштена.