Ако чувате кутии со храна, кујнски апарати кои моментално не ги користите или ситници на врвот на фрижидерот, експертите за домашна безбедност велат дека тоа е опасно, а еве зошто.
Овие четири работи не треба да се чуваат на фрижидер.
1. Мали апарати за домаќинство
Ни пречат на работната површина доколку не ги користиме во тој момент, па затоа е погодно да ставиме помали апарати за домаќинство над фрижидерот за да бидат секогаш при рака и да не го заземаат просторот што го користиме.
„Предметите што се тешки или нестабилни никогаш не треба да се ставаат на фрижидерот“, предупреди пожарникар Џејмс Флин. Секогаш кога ќе го отворите фрижидерот, тој малку се поместува и ризикувате да падне еден од апаратите и да се повредите.
2. Садови
Големите чинии заземаат многу простор, а ако ги немате кујнските елементи, на крајот може да ги наредите на фрижидерот. Истото важи и за поголеми тенџериња или тави и кутии за складирање храна.
Како и кај апаратите за домаќинство, ризикувате тие да паднат врз вас или некој член на семејството, да се скршат и исечат некого. Чувањето на работите на врвот на фрижидерот не е во согласност ниту со фенг шуи правилата за кујната.
3. Книги за готвење
Сакате да готвите, имате тони книги за готвење, но кој има полица за книги во кујната? Затоа луѓето често чуваат книги за готвење на врвот на фрижидерот. Но, хартиите и другите запаливи работи никогаш не треба да се чуваат на уреди кои „напорно работат“ и греат. Ако паднат зад фрижидерот, може да ја блокираат вентилацијата, а може и да паднат на нечија глава.
4. Леб
Се разбира, нема да ставате свеж леб на правливиот врв на фрижидерот, но што е со лебот во кесичка? Поради топлината што ја ослободува фрижидерот, ризикувате да се исуши.