Јагодите може да бидат свежи со денови ако ги чувате на овој начин

Како што сметките за храна стануваат се поголеми и нашите паричници стануваат потенки, не е ни чудо што бараме нови начини да ја одржуваме храната за јадење што е можно подолго.

Корисникот на Редит по име Крис побарал совет за најдобар начин да ги одржувате јагодите свежи што е можно подолго, пренесува Express.

„Добив преку три килограми јагоди. Кој е најдобриот начин да ги чувате, да ги одржувате подолго свежи? Бидејќи сме само јас и татко ми, нема шанси да ги изедеме сите одеднаш“, напиша таа.

И тогаш почнаа да се слеваат коментари со совети:

„Само ги замрзнав цели. Ги ставам во еден слој на плех да се замрзнат прво, а потоа кога ќе се замрзнат ги ставам сите заедно во кесичка. Земам од неа онолку колку што ми треба подоцна“, откри еден од нив.

„Но, тоа е добро само ако сакате „кашести“ јагоди по одмрзнувањето. Одлични се за смути и правење мармалад, не толку за работи каде што е важна поцврстата текстура“, предупреди друг корисник.

Јагодите можат да останат свежи во фрижидер до осум дена, но само ако ги измиете правилно и ги чувате во кутија.

„Освен да ги замрзнете, можете и да ги дехидрирате. Измијте ги, па исечете ги на ситни кришки и ставете ги во плех на хартија за печење два часа и чувајте ги во фрижидер, откако ќе се замрзнат, чувајте ги во патент кеса или во тегла“, предложи еден форумџија. пишува City Magazine.

„Јагодите почнуваат да ги губат и вкусот и хранливата вредност веднаш штом ќе се отсечат врвовите. Затоа, не ги сечете врвовите. Ако нема да ги јадете веднаш, ставете ги во фрижидер“, беше друг коментар.

„За да го зачувате вкусот колку што е можно, веднаш штом ќе ги донесете дома, згответе ги во џем или замрзнете ги“, советуваше следниот.

„Најдобар начин да ги чувате свежите јагоди е да ги измиете во оцет, добро да ги исушите и да ги ставите во затворен сад обложен со суви хартиени крпи, а потоа да ги ставите во фрижидер. Треба да останат свежи“, откри друг корисник.