Ќерката на славниот актерски пар го претстави своето ново име: „Здраво, јас сум Фин“
Актерската двојка Џенифер Гарнер и Бен Афлек и по разделбата заедно ги одгледуваат своите три деца, 18-годишната Вајолет, 15-годишната Серафина и 12-годишниот Семјуел. Веќе имаше гласини дека нивната 15-годишна ќерка одлучила да биде родово небинарна. Имено, Серафина беше видена во јавноста со јасна промена на имиџот уште во февруари, кога ја обои својата бунтовничка коса во светло розево.
Сега, на комеморацијата за нејзиниот дедо, таткото на Џенифер Гарнер, таа јасно стави до знаење дека одлучила да го промени своето име. Серафина на комеморацијата пристигна облечена во црн костум со вратоврска, а на кратко скратената коса и ја врати природната темно кафеава нијанса. Таа се качи на говорницата и им рече на сите:
„Здраво, јас се викам Фин Афлек“, рече Серафина, потврдувајќи го она што се шпекулираше подолго време. Не е сосема јасно дали Фин се дефинира себеси како родово небинарна личност или како момче, но јасно е дека решил да го промени своето име и дека ја има целосната поддршка од неговите родители Бен и Џен. Имено, Фин често се дружи со децата на новата сопруга на Бен Афлек, односно близнаците на пејачката Џенифер Лопез. А нејзината ќерка Еме Марибел Муниз веќе некое време се декларира како родово небинарна личност.
Фин и Ема не се единствените деца на познатите личности кои се дефинирале на овој начин во последните неколку години. Актерката Шарлиз Терон во 2019 година ја прифатила желбата на својот посвоен син Џексон да одлучи да биде девојче – и така го продолжила своето образование.
Во 2021 година, ќерката на актерката Џејми Ли Кертис објави дека е трансродова на 25-годишна возраст, во што нејзината мајка јавно ја поддржа. Иако извесно време се зборуваше за ќерката на Анџелина Џоли и Брат Пит, малата Шајло детството го поминала во одела, со кратка фризура, слична на нејзините браќа. Во 2008 година, додека гостуваше во шоуто на Опра, Бред Пит објасни дека Шајло сака нејзините родители да ја нарекуваат со машко име. Долго време се шпекулираше дека и таа е родово небинарна, но нејзините родители оттогаш не коментираат за тоа.
