Ѕвездата на „Пријатели“ Лиза Кудроу во ТВ-шоуто откри дека неодамна пронашла белешка од нејзиниот покоен колега Метју Пери во тегла за колачиња што ѝ ја дал на снимањето.
Пери, кој го глумеше Чендлер Бинг во американскиот хит ситком, почина на 28 октомври 2023 година од „акутни ефекти од злоупотреба на кетамин“ на 54-годишна возраст.
Додека се појавуваше во „The Drew Barrymore Show“, Кудроу (61) зборуваше за различни работи, вклучувајќи го и подарокот: „Метју ми го даде на крајот од нашата последна снимена епизода. И неодамна најдов порака во кутијата дека тој ја наменил за мене. Не ја отворив ниту погледнав внатре. Но, да, имаше порака внатре, и јас заборавив на тоа. За сè има вистинско време“.
По смртта на Пери, ѕвездите од „Пријатели“ Џенифер Анистон, Кортни Кокс, Мет Лебланк, Дејвид Швимер и Кудроу издадоа заедничка изјава во која велат дека се „целосно уништени“ и дека се повеќе од обични другари. „Ние сме семејство“, напишаа тие.
Во 2021 година, актерската екипа повторно се обедини во ТВ шоуто за прв пат откако серијата ја прослави својата десетгодишнина во 2004 година, станувајќи феномен на поп културата.
По смртта на Пери, истрагата откри „огромна подземна криминална мрежа“ на луѓе кои го „експлоатирале“ кога тој повторно подлегнал на зависност во есента 2023 година, рече обвинителот Мартин Естрада на брифинг со новинарите минатата година.
Пери бараше третман за депресија и анксиозни нарушувања и стана зависник од интравенски кетамин. Потоа се сврте кон „бескрупулозните лекари кои сметаа дека Пери е начин да се заработи брзо“, рече Естрада.
Актерот отворено зборуваше за неговите борби со злоупотреба на супстанции и зависност и организираше отворање на установа за мажи кои се борат со слични проблеми.
По неговата смрт, основана е фондација на негово име, со цел да им помогне на сите кои се борат со зависноста.
Пет лица беа обвинети во врска со неговата смрт во август минатата година.