Мерил Стрип морала да ги преземе работите во свои раце кога се евакуирала од пожар во Лос Анџелес на почетокот на овој месец, а тоа вклучувало и пресекување на оградата на соседот за да избега.
Имено, нејзиниот внук Ејб Стрип, кој исто така е соработник на New York Magazine, во приказна објавена во вторникот напиша дека на оскаровката добила наредба да се евакуира на 8 јануари, ден по избувнувањето на пожарот во Палисадите и Итон.
Кога Стрип се обидела да замине, открила дека големо дрво паднало на нејзиниот пат, блокирајќи ѝ го единствениот излез.
„Одлучна да побегне, позајмила секачи за жица од соседот и на оградата што ја делела со соседите од другата страна направила дупка со големина на автомобил и поминала низ нивниот двор за да избега“, се вели во приказната.
So, don’t mess with Meryl Streep https://t.co/cptD53tVm1 pic.twitter.com/45YZv6iMkO
— Lauren Milberger (@LaurenMilberger) January 28, 2025
Пожарите на Палисадес и Итон се сметаат за најразорните пожари во историјата на Лос Анџелес. Жителите во овие области продолжуваат да се борат со штетите и траумите предизвикани од пожарите.
Во пожарите во Лос Анџелес без покрив над главата останаа бројни познати личности, меѓу кои Парис Хилтон и Ентони Хопкинс.
Иако официјалните проценки на штетите се уште се во тек, Калифорниското одделение за шумарство и заштита од пожари проценува дека повеќе од 16.200 објекти се оштетени или уништени во пожарите.
Парис Хилтон, Лејтон Мистер, Мајлс Телер и Ентони Хопкинс се меѓу познатите личности кои ги загубија своите домови во пожарите кои зафатија неколку населби во Лос Анџелес.