Многу луѓе сакаат компири, а поради нивниот неутрален вкус, лесно може да се прилагодат како прилог на различни рецепти. Ако немате идеја што да направите за ручек, пробајте го овој рецепт.
Овој прилог можете да го послужите со различни видови месо, а да додадете и салата.
Состојки:
четири големи компири
50 грама путер
две јајца
два децилитри млеко
малку масло
зачини (сол, бибер)
Подготовка:
Излупете ги компирите и исечете ги на прстени. Додадете сол и бибер во маслото, а можете да додадете и некои други зачини како гранули од лук или мешавина од зачини од компири.
Прелијте ги компирите со зачините, измешајте и наредете во сад за печење. Додадете малку вода и потоа додадете парчиња исечен путер. Компирите треба да се печат во загреана рерна на 250 степени околу половина час.
Додека се печат компирот, изматете ги јајцата и млекото. Кога ќе се испече компирот, прелијте ги со изматените јајца и млекото и вратете ги во рерна да се печат. Послужете додека е топло.