Бетонски автомобили ќе бидат поставени шест метри под површината на морето во близина на брегот на Мајами Бич во Соединетите Американски Држави.
Ова е инсталација од аргентинскиот уметник Леандро Ерлих наречена Concrete Coral, или Бетонски корал, чија главна цел е да обнови дел од системот на гребени во Флорида.
Бетонскиот корал се состои од 22 автомобили во природна големина направени од морски бетон или морски камен – нов одржлив материјал произведен од отпад од школки, што е еколошка алтернатива на традиционалниот бетон.
Автомобилите се излиени од 3D печатени калапи и ќе бидат инсталирани на почетокот на ReefLine – подводен парк со скулптури долг 11 километри покрај плажата Мајами во октомври оваа година.
Скулптурите на Ерлих евоцираат подводни сообраќајни метежи, а воедно обезбедуваат структура за раст на коралите, што ќе го забрза развојот на гребенот.
Бетонскиот корал е само првиот чекор во серијата проекти на ReefLine кои ќе го поддржат биодиверзитетот на областа и ќе го заштитат крајбрежјето на Мајами од ерозија.
Погледнете ја фото галеријата за да видите како изгледа оваа еколошка уметничка инсталација.
