Во средината на февруари популарната серија на HBO „Белиот лотос“ се враќа на малите екрани. Серијата ја креираше Мајк Вајт, а по тизерот, HBO го објави првиот официјален трејлер за третата сезона од серијата.
„Белиот лотос“ е сатирична драма која ги следи посетителите и гостите на еден луксузен синџир хотели и истражува теми како што се материјализмот и меѓучовечките односи. Првата сезона е сместена на Хаваи, втората на Сицилија, а третата сезона на Тајланд. Во секоја сезона, гледачите ги следат приказните за новите ликови, со исклучок на актерката Џенифер Кулиџ, која се појави во првите две сезони, како и Наташа Ротвел, која се појави во првата и ќе глуми во следната сезона.
Како што откри HBO, остатокот од актерската екипа се Паркер Пози, Волтон Гогинс, Џејсон Ајзакс, Мишел Монаган, Лесли Биб, Дом Хетракул, Тајме Таптимтонг, Кристијан Фридел, Џулијан Костов, Моргана О’Рајли, Лек Патравади, Шалини Пеирис, Кари Кун, Скот Глен, Франческа Корни, Николас Дувернеј, Арнас Федеравичиус, Патрик Шварценегер, Ејми Лу Вуд, Сара Кетрин Хук, Сем Нивола и Лалиса Манобал.
Гледачите едвај ја чекаат новата сезона
Серијата ќе има премиера на Max, платформата за стриминг на HBO, на 16-ти февруари, а многу фанови со нетрпение го очекуваат тој ден.
„Мислам дека ќе биде најдобрата сезона досега“, „Судејќи според трејлерот, оваа сезона ќе биде фантастична, навистина се радувам на неа“, „Едвај чекам“. Ова е една од оние серии што посакувам да ги прават засекогаш“ „Дури и кога заплетот не е најдобар, локациите во серијата се толку убави што е задоволство да се гледаат“, се само дел од коментарите на возбудените гледачи.