Овогодинешната Мет Гала потврди дека модата и уметноста одат рака под рака. Дрес-кодот на вечерта беше „Модата е уметност“, а многу познати дами на црвениот тепих избраа да го претстават ова преку голи фустани.
Вклучувањето на човечкото тело како дел од самата демонстрација на дрес-кодот покажа колкави се навистина границите помеѓу модата и перформансите.
Црвениот тепих беше полигон за тестирање на смели и импресивни изданија – од проѕирни фустани до стратешки кроени креации кои го претвораа телото во платно.
Ѕвезди како Кендал Џенер, Ирина Шајк и Џиџи Хадид ја оживеаја оваа тема, претворајќи ги своите облеки во вистински уметнички перформанс.
Секој фустан беше внимателно дизајниран, балансирајќи помеѓу екстравагантност, елеганција и концептуален израз.
Терминот гол фустан се однесува на парче облека кое е намерно дизајнирано да изгледа речиси транспарентно или многу минимално, така што дава впечаток на голотија, иако технички го покрива телото.
Потпирајќи се на овогодинешниот дрес код, Ким Кардашијан соработуваше со британскиот уметник Ален Џонс за да создаде светло портокалова комбинација.
Џиџи Хадид ја покажа својата долна облека под проѕирен фустан од Миу Миу, а една од најпаметните креации на вечерта беше онаа што ја носеше пејачката Доечи. Дизајнирана е од Марк Џејкобс, а таа на тепихот пристигна боса.
Симон Ешли носеше креација од Стела Мекартни, а Бијонсе, која беше домаќинка на Мет Гала, носеше фустан изработен по нарачка од Оливие Рустенг.
