Принцезата Кејт Мидлтон се појави покрај принцот Вилијам на лондонската премиера на филмот „Digger“, со Том Круз во главната улога, и го привлече вниманието на сите во виолетов фустан.
За оваа пригода, Кејт избра елегантен, лелеав фустан во впечатлива нијанса на виолетова боја. Својот изглед го надополни со карактеристично ѓерданче со приврзок во форма на срце и бисерни обетки, додека Вилијам се одлучи за класичен црн смокинг.
Кралската двојка се појави на црвениот тепих пред киното Odeon Luxe на плоштадот Лестер во Лондон, каде што срдечно се поздравија со ѕвездата на филмот, Том Круз, како и со режисерот Алехандро Гонзалес Ињариту.
Средбата меѓу Кејт, Вилијам и холивудската ѕвезда претставуваше еден вид повторна средба. Тројката претходно се имаше сретнато во 2022 година на британската премиера на филмот Top Gun: Maverick.
Тогаш, Круз зборуваше за интересите што ги споделува со принцот Вилијам.
„Имаме многу заеднички работи. И двајцата ја сакаме Англија и двајцата сме пилоти. И двајцата сакаме да летаме“, изјави актерот.
Пред проекцијата, Вилијам и Кејт се поздравија со претставници на организации поврзани со филмот, како и со членови на креативниот тим.
Сепак, изборот на облека на Кејт беше она што најмногу се истакна таа вечер; нејзиното појавување во виолетовиот фустан привлече посебно внимание кај фотографите на црвениот тепих.