За време на неодамнешната официјална посета на Вестминстерската палата во Велс, принцезата од Велс, Кејт Мидлтон, уште еднаш ја покажа својата пристапност и топлина во интеракцијата со толпата.
Во еден момент, како што е снимено во видео објавено од Hello, еден обожавател ѝ се приближил и побарал автограм. Принцезата, со насмевка, учтиво одбила, објаснувајќи му едноставно:
- Не можам да го потпишам тоа, многу ми е жал.
Наместо да потпише, таа му понуди ракување и топла прегратка, гест што обожавателот со ентузијазам го прифати.
Овој момент брзо стана вирален, а описот на објавата објасни зошто принцезата не може да потпише автограм. Правилото што забранува потпишување постои за да се спречи злоупотреба или фалсификување на потписи на членови на кралското семејство.
Овој потег на принцезата предизвика лавина од позитивни коментари на социјалните мрежи, каде што многумина ја пофалија нејзината грациозност и начинот на кој се справи со ситуацијата. Иако мораше да го одбие барањето, нејзината топлина и понуденото ракување покажаа почит кон обожавателот.
Објавата, исто така, предизвика поширока дебата за улогата на монархијата, особено во Велс, каде што коментарите покажаа спротивставени мислења за статусот на принцот и принцезата од Велс во модерното време.