Холивудската легенда вели дека за неа, вежбањето повеќе не е прашање на естетика, туку на ментално здравје и секојдневна автономија.
Џејн Фонда (88) секогаш добива бројни комплименти за својот младешки изглед, дури и во деветтата деценија од животот, а искрено зборуваше и за вежбањето, велејќи дека како и сите други, има моменти кога не ѝ се вежба.
„Се присилувам себеси да го правам тоа бидејќи тоа прави разлика не само за моето тело, туку и за мојот мозок“, призна Џејн Фонда во интервју за „Дејли Телеграф“ на Канскиот филмски фестивал. „Ако не прошетам или не вежбам предолго, имам тенденција да паѓам во депресија. Потекнувам од долга низа депресивни луѓе.“
Вежбањето како лек за депресија
Оваа изјава ја разбива гламурозната слика што многумина ја имаат за фитнес иконите. Жената чии видеа за аеробик од 80-тите влијаеле врз цели генерации, сега зборува за вежбањето како фундаментална алатка за заштита на менталното здравје, а не за постигнување на совршена фигура.И научните студии го потврдуваат нејзиното искуство: физичката активност директно влијае на регулирањето на невротрансмитерите како што се серотонинот и допаминот, кои се клучни за расположението, особено во староста. Одењето, тренингот за сила или редовното истегнување не се опции – тие се неопходност.
„Зборот што е важен сега е бавно. Кога сте на мои години, мора да тренирате многу бавно за да не се повредите. Можете да ги правите токму истите работи, но бавно“, советува познатата актерка.
Многумина беа изненадени и од нејзината искрена изјава дека денес се чувствува одлично.
-„Се чувствувам добро во моментов, навистина. И се чувствувам веќе подолго време“, рече енергичната 88-годишна актерка со смеа. Нејзиниот пристап кон вежбањето е прилагоден на реалноста на нејзиното тело и нејзината возраст.
-„Кога користам тегови, тие се полесни, но сепак кревам. Имам тегови во различни бои – прекрасна розова, портокалова, жолта и тиркизна – што ги прави поудобни за држење“,
Џејн објаснува со многу специфични термини зошто вежба редовно, наведувајќи ги секојдневните ситуации со кои се соочуваат постарите луѓе.
„Ако не вежбате кога сте млади, вашето тело ви простува. Кога сте постари, ако не се движите постојано, не останувате флексибилни и не одржувате силни мускули, навистина ја забележувате разликата“, објасни таа.
Една од највредните пораки што ја испраќа Џејн Фонда е да го отфрли митот за постојана мотивација.
„Почнав сериозно да вежбам на 40 години, но пред тоа се чувствував како да се распаѓам. Затоа не е предоцна. Само започнете“, рече таа, охрабрувајќи многумина да бидат активни.
Актерката исто така нагласува дека клучно е да сфатиме дека вежбањето прави јасна разлика во тоа како се чувствуваме физички и ментално.
Патем, во неодамнешните интервјуа, Џејн Фонда ги откри и своите дневни рутини, кои вклучуваат: најмалку 8 часа сон (не е избор, туку е неопходност), рутини за дишење, свесно истегнување и избалансиран појадок богат со протеини, без вишок шеќер.