Доколку барате едноставен и вкусен десерт кој е лесен за подготовка, лиснатото тесто со боровинки и афион е одличен избор.
Крцкавото тесто, слаткиот фил од афион и сочните боровинки прават комбинација на која е тешко да се одолее, а најмладите особено ќе ја обожаваат.
Состојки:
- 1 лист лиснато тесто
- 3 лажици мелени афионови семки
- 1 кесичка ванилин шеќер
- една шака боровинки
- 1 лажица шеќер
- малку вода
Подготовка:
Измешајте ги мелените афионови семки со шеќер и ванилиниот шеќер, па додадете малку вода. Добро измешајте сè додека не добиете густа и еднолична смеса.
Развлечете го лиснатото тесто, па рамномерно премачкајте го со подготвениот фил од афионови семки. Распоредете ги боровинките врз тестото, па внимателно замотајте го.
Ставете го ролатчето во претходно загреана рерна и печете околу 20 минути на 200 степени, или додека тестото не добие убава златно-кафеава боја. Оставете го печениот ролат да се олади неколку минути, а потоа исечете го на парчиња.
Доколку сакате, послужете го со топка од вашиот омилен сладолед и уживајте во освежителен летен десерт. Уживајте!