Фотографиите од свадбата ги преплавија социјалните мрежи.
Иако не се виде на свадбените фотографии што ги преплавија социјалните медиуми на 8 август, Брус Вилис сè уште беше присутен на свадбениот викенд на неговата најмлада ќерка, Талула Вилис, и покрај неговата борба со деменција.
Талула се омажи за музичарот Џастин Ејс на 8 август на семејниот ранч во Сан Вали, Ајдахо. Фотографиите, објавени од Вог, вклучуваат една на која легендарниот актер ја држи својата ќерка во раце, додека таа ја потпира главата на неговото рамо. Од другата страна стои неговиот нов зет.
- Нежен момент со таткото и Џастин на почетокот на свадбениот викенд – напиша Талула покрај фотографијата.
Актерот носеше ленена кошула со кратки ракави, лесни панталони и шапка, додека мајката на невестата, актерката Деми Мур, блескаше во лелеава макси фустанка преку ден и бел коктел фустан за вечерната забава.
Сестрите на Талула, Скаут (35) и Румер (37) беа деверуши, носејќи соодветни фустани без прерамки во боја на мента. Талула и Џастин се забавуваа речиси две години пред да ја објават својата свршувачка на Инстаграм во декември 2024 година.
На Брус му беше дијагностицирана фронтотемпорална деменција во февруари 2023 година. Со Деми Мур, актерот ги има ќерките Талула, Румер и Скаут, а со сопругата Ема Хеминг има две ќерки, Мејбл Реј и Евелин Пен, според TMZ.