Актерот не знаел дека парите му се одземаат од сметката две години.
27-годишен Јорданец е уапсен во Будимпешта под сомнение дека ги украл податоците од банкарската картичка на познатиот актер Џони Деп и потрошил околу 600.000 евра од неговата сметка!
Она што ги изненади многумина е фактот дека Џони Деп наводно не забележал дека парите исчезнуваат од неговата сметка повеќе од две години. Сомнителните трансакции биле откриени дури кога банката ги означила како необични.
Истрагата била започната на почетокот на годината откако една американска финансиска институција контактирала со унгарската канцеларија на ФБИ за нелегални плаќања од сметката на нејзиниот клиент. Набрзо било утврдено дека познатиот холивудски актер бил вмешан.
Според досегашните информации, истражителите проверуваат дури 308 трансакции што биле извршени помеѓу јануари 2024 и декември 2025 година. Вкупната штета се проценува на околу 620 илјади евра.
Сè уште не е познато на што се потрошени парите, а истрагата за целиот случај сè уште е во тек.