Пред да стане една од најпознатите жени во светот, Кејт Мидлтон водеше прилично обичен живот и изгради кариера далеку од кралските должности.
Денес позната како Принцезата од Велс и сопруга на принцот Вилијам, Кејт работела на неколку различни работни места пред да се приклучи на британското кралско семејство.
По дипломирањето историја на уметност на Универзитетот Сент Ендрус, каде што го запозна принцот Вилијам, Кејт се приклучила на семејниот бизнис Party Pieces.
Тоа било компанија која продаваше опрема за забави, а Кејт се занимавала со маркетинг, фотографија и развој на каталози на производи. Оваа работа ѝ овозможила да стекне искуство во деловниот свет, но и да остане релативно далеку од вниманието на медиумите во тоа време.
Покрај работата во семејниот бизнис, Кејт Мидлтон кратко работела и во модната индустрија. Таа била вработена како продавач на стоки за британскиот бренд Jigsaw. Таму, таа стекнала увид во модниот бизнис, што подоцна се одрази во нејзиниот препознатлив стил, заради кој често се нарекува модна икона.
Дури и пред официјално да стане членка на кралското семејство, Кејт покажала интерес за хуманитарна работа и општествен ангажман, што подоцна стана важен дел од нејзините кралски должности.
По нејзината венчавка во 2011 година, за време на спектакуларна церемонија во Вестминстерската опатија, Кејт Мидлтон презеде бројни јавни и хуманитарни должности како дел од британската монархија.