Ако барате идеја за денешниот ручек, пилешките ќофтиња во сос од печурки се вкусен оброк што можете да го подготвите за половина час.
Рецептот за ова јадење го најдовме на Инстаграм страницата Gastro kutak, а се вели дека овој вкусен и кремаст оброк „ве освојува од првиот залак“.
Состојки:
300 г пилешко филе
2 кромида
2 чешниња лук
5 лажици презла
1 јајце
зачини: сол, бибер, мелена пиперка, мешавина од зачини
250 г печурки
300 мл павлака за готвење
200 мл пилешка супа
1 лажица брашно + 200 мл вода
Подготовка:
Во блендер, исечкајте го пилешкото филе, еден кромид и 2 чешниња лук. Додадете ги презлата, јајцето и зачините. Добро измешајте сè додека не добиете компактна смеса.
Од подготвената смеса формирајте помали топчиња со иста големина. Загрејте малку масло во тава и пржете ги ќофтињата неколку минути од сите страни додека не добијат убава златна боја. Извадете ги на чинија и оставете ги настрана.
Во истата тава, додадете го сечканиот кромид и пржете ги кратко додека не омекнат. Потоа, додадете ги печурките исечени на парчиња и пржете ги додека не добијат златна боја. Додадете ја павлаката за готвење, супата и мешавината од брашно измешани со 200 мл вода во тавата. Добро измешајте сè и гответе на тивок оган додека сосот не стане густ и кремаст.
Кога сосот е готов, вратете ги ќофтињата во тавата. Промешајте и оставете да крчкаат уште неколку минути.
Сервирајте топли со пире од компири, ориз или тестенини по ваш избор.