Бизнис магазинот „Forbes“ проценува дека американската поп-ѕвезда Тејлор Свифт станала најбогатата музичарка во историјата со богатство од 2 милијарди долари, што е зголемување од 100 проценти во однос на 2024 година.
„Forbes“ ја именува Свифт за една од комерцијално најуспешните текстописци на сите времиња. Таа го достигна статусот на милијардерка во 2024 година благодарение на нејзината турнеја „Eras“.
Свифт ја промени музичката индустрија во 2020 година кога повторно го сними поголемиот дел од својата дискографија. Како резултат на тоа, авторските права ѝ се влеваа во џебот.
„Forbes“ исто така објави дека нејзината турнеја станала најуспешната концертна турнеја во историјата со приходи од 2,2 милијарди долари. Со тие пари, таа ги откупила своите оригинални мастер снимки, соопшти списанието.
На почетокот на својата кариера, Свифт потпишала договор со издавачката куќа „Big Machine“ и таму ги снимила своите први шест албуми. Како и обично, правата ѝ припаѓале на издавачката куќа, која ги продала за повеќе од 300 милиони долари во 2019 година на холдинг компанијата на поранешниот музички менаџер Скутер Браун.
Свифт рече дека ова се случило без нејзина консултација или одобрение.
Следеше долгогодишен јавен спор, за кој Свифт често зборуваше во своите песни. Браун ги продаде правата во 2020 година, овој пат на инвестициската фирма „Shamrock Capital“ со седиште во Лос Анџелес, од која Свифт сега ги стекна.
Свифт објави во 2025 година дека ги купила правата за своите први шест албуми.
Листата на милијардери на „Forbes“ во голема мера се базира на јавно достапни информации за средства како што се акции, недвижнини, уметнички дела и други луксузни стоки.