Ако сакате чоколадни колачи кои се подготвуваат брзо, а сепак имаат мека и сочна средина, овој шведски специјалитет заслужува место во вашата кујна.
За подготовка се потребни само 20 минути и седум состојки кои веројатно веќе ги имате дома.
Сè што ви треба е тркалезен калап за колачи и малку време за да направите десерт што може да се служи топол или изладен.
Состојки:
– 100 г путер
– 2 јајца
– 4 лажици какао во прав
– 90 г брашно
– 240 г шеќер
– ½ лажичка сол
– 1 лажичка ванилин шеќер
Подготовка:
Загрејте ја рерната на 200°C. Ако користите рерна со вентилатор, поставете ја температурата на 180°C. Во голем сад изматете ги јајцата со шеќерот, а потоа постепено додавајте го растопениот путер, постојано мешајќи. Во смесата додајте ги какаото, брашното, солта и ванилиниот шеќер. Добро измешајте сè додека не добиете хомогена смеса. Истурете ја смесата во тркалезен калап (со дијаметар од 23 см), претходно намастен и посипан со какао во прав. Печете 10 до 15 минути, во зависност од вашата рерна. Средината на колачот треба да остане мека и сочна. Овој шведски чоколаден колач можете да го послужите топол или изладен. По желба, пред послужување посипете го со шеќер во прав.