Били Ајлиш ги откри причините зошто со години претпочитала широка облека, нагласувајќи дека нејзиниот однос со сопственото тело одамна е оштетен и исполнет со несигурности.
Популарната пејачка призна дека уште од раните тинејџерски години развила комплексен и често токсичен однос со својот изглед. Како што вели, чувството дека е постојано под јавен надзор дополнително го зголемило притисокот и несигурноста.
„Имав навистина токсичен однос со моето тело. Го мразев начинот на кој изгледав и не се чувствував удобно во сопствената кожа“, рече Били.
Сепак, таа признава дека нејзиниот однос со сопственото тело е сè уште тековен процес. Денес, таа работи на тоа да се прифати себеси и да развие поздрав поглед на својот изглед.
„Учам да бидам понежна кон себе. Не е лесно, но е важно“, додаде таа.
Разлижната облека стана еден вид штит за неа, начин да ја одржи контролата врз сопствениот имиџ и да избегне коментари за своето тело. Во свет каде што изгледот често се анализира и критикува, овој стил ѝ овозможи да го префрли фокусот на музиката, а не на физичкиот изглед.
Со текот на годините, нејзините модни избори станаа препознатлив дел од нејзиниот идентитет. Били постојано нагласуваше дека сака да ги разбие стереотипите и очекувањата за тоа како треба да изгледаат жените, особено младите девојки во индустријата за забава.