Таа наполни 61 година и позираше во бикини.
Британската актерка и модел Елизабет Харли го прослави својот 61-ви роденден, а по тој повод објави фотографија на социјалните мрежи која привлече големо внимание. На сликата, таа позира во жолто бикини, насмеана и расположена, додека зад неа е поглед на океанот.
Заедно со фотографијата, таа сподели емотивна порака за стареењето и животот. „Среќен роденден! Порано се плашев од стареењето и мислев дека животот ќе стане помалку возбудлив со возраста. Денес можам да кажам дека вистината е сосема поинаква. Го сакам мојот живот“, напиша актерката.
Таа додаде дека се чувствува благословена што е опкружена со семејство и пријатели и дека е благодарна на своите следбеници за нивната поддршка и лојалност низ годините.
Објавата на Елизабет Харли брзо доби голем број коментари и честитки. Многу следбеници истакнаа дека таа изгледа младешки и дека годините се само бројка за неа.
Елизабет Харли е родена на 10 јуни 1965 година во Англија, а меѓународната слава ја стекна во 1990-тите. Таа е најпозната по улогата на Ванеса Кенсингтон во филмот „Остин Пауерс: Интернационален човек на мистеријата“, како и по филмот „Бедразлед“.
Покрај глумата, таа со години изгради успешна кариера во светот на модата и козметиката, а денес се смета за една од најпрепознатливите британски актерки и модели, а има и своја колекција костими за капење, за која е најдобар модел.