Војвотката од Сасекс, Меган Маркл, повторно е во центарот на вниманието.
Меган Маркл, војвотката од Сасекс, наводно добива голем број понуди од Холивуд откако се дозна дека размислува за враќање на глумата.
Според странските медиуми, студијата и продуцентските компании се борат да ја ангажираат во разни проекти, од романтични комедии и драми до сапуници и хорор филмови. Интересот се зголеми откако нејзиниот поранешен колега од серијата „Suits“, Ерик Робертс, изјави дека верува оти Меган ќе се врати на глумата и дека нејзиното враќање би било многу успешно.
Холивудските агенти наведуваат дека во последните недели таа станала една од главните теми во индустријата, а постојано пристигнуваат понуди за улоги и развој на нови проекти. Се нагласува дека нејзиното враќање би привлекло големо внимание од јавноста и потенцијално би донело огромна гледаност и заработка, бидејќи таа е сè уште многу препознатлива низ целиот свет.
Сепак, сè уште постои неизвесност за тоа кој во моментов ги застапува нејзините интереси, со оглед на тоа што таа се повлече од глумата по свршувачката со принцот Хари во 2017 година. Затоа продуцентите се обидуваат да ја контактираат преку нејзините поранешни соработници и контакти.
Иако има договор од повеќе милиони долари со Netflix, таа наводно одбила некои проекти од платформата. Исто така, се наведува дека веќе снимила дел од нов филм и дека нејзиното враќање кон глумата би означило враќање во нејзината оригинална кариера, во која претходно беше многу популарна, особено за серијата „Suits“.
Таа моментално работи на филмот „Close Personal Friends“, каде што глуми покрај познати холивудски имиња како што се Бри Ларсон, Лили Колинс, Џек Квејд и Хенри Голдинг.