Тој стоеше зад камерата и ја фотографираше Викторија.
Дејвид Бекам можеби е еден од најпознатите фудбалери на сите времиња, но кога е на одмор со сопругата Викторија, се чини дека има уште една важна работа – да биде нејзин личен фотограф.
Бекамови моментално уживаат во Италија, а откако ги посетија Ибица и Сен Тропе, се упатија и кон Портофино со јахта, каде што ги поминуваат летните денови со своите деца.
На Викторија не ѝ е грижа што е познат фудбалер, за неа тој е сопруг кој мора да ги направи најдобрите можни фотографии од неа, исто како што секоја сопруга би побарала од својот сопруг или партнер на одмор. Дејвид зеде мал дигитален фотоапарат и сериозно се посвети на фотографирање на Викторија.
Модната дизајнерка позираше во елегантен бел фустан со отворен грб и длабок V-изрез и детали од чипка. Комбинацијата ја надополни со голем сламен шешир, очила за сонце и рамни сандали.
Се чини дека Викторија ни во оваа пригода не ги оставила работите сосема на случајност. Фотографиите покажуваат дека цело време му давала инструкции на Дејвид, а тој бил многу трпелив.
По фотосесијата, семејството уживало во релаксирачки ден во Портофино. Тие биле придружувани од ќерката Харпер и синот Круз со девојката Џеки Апостел.
Тие се прошетале низ живописното италијанско гратче, застанале на сладолед и пијалоци, а потоа се вратиле на својата јахта.