Домашниот чоколаден сладолед е совршен избор за топлите денови, а никогаш не бил полесен за подготовка.
Во текот на топлите летни денови како оние што се зад нас, но и пред нас, најдобриот начин да се засладите, но и да се разладите, е сладоледот или некои ледени колачи кои не бараат долга и тешка подготовка.
Еден таков е пред вас, а е толку вкусен што може да се спореди со најдобрите италијански рецепти за сладолед.
Покрај сето тоа, ви требаат само неколку состојки за неговата подготовка, поради што ќе го обожавате уште повеќе.
Состојки:
100 г чоколадо за готвење
200 мл грчки јогурт
200 мл слатка павлака
2 лажици рум
2 лажици какао
Подготовка:
Во пластичен сад со капак, матете ја слатката павлака додека не стане многу цврста, потоа додадете го јогуртот, чоколадото, румот и на крај какаото. Откако ќе стане мазно, веднаш покријте и замрзнете. Уживајте во совршениот вкус на сладолед без додаден шеќер, вештачки бои и емулгатори.