Не е важно само што јадете, туку и како ја комбинирате храната.
Не е важно само што јадете, туку и како го комбинирате. Можете да ги зголемите хидратантните ефекти на овошјето и зеленчукот со нивно комбинирање со храна што содржи протеини или здрави масти. Еден од најдобрите примери е салатата од лубеница и фета сирење.
„Лубеницата е составена од над 90 проценти вода, витамин Ц и ликопен, моќен антиоксиданс важен за здравјето на кожата и срцето. Во комбинација со фета сирење, добивате и протеини и натриум, еден од електролитите што телото ги губи преку потење. Всушност, тоа е природна спортска комбинација“, објаснува Бигс.
Но, меѓу ѕвездите на летната исхрана е краставицата, која е составена од околу 95 проценти вода.
„Краставиците помагаат да останете хидрирани, а воедно обезбедуваат и калиум, важен минерал кој помага во регулирањето на рамнотежата на течностите во телото. Можете да ги додадете во салати, сендвичи, па дури и во вода за освежителен пијалок во текот на денот“, советува Бигс.
За оние кои се љубители на слатки, јагодите се одличен избор. „Покрај тоа што се богати со вода, тие се богати и со витамин Ц и антиоксиданси, кои се добри за вашата кожа и имунолошки систем. Тие се освежителни и во исто време му обезбедуваат на вашето тело вредни хранливи материи“, вели тој.