Славниот пар повторно го прошири своето семејство минатата година, а до сега беа многу мистериозни околу нивното четврто бебе, но сега решија да го откријат името и полот на новиот член на семејството Иглесијас.
Поранешната тенисерка Ана Курникова го роди своето четврто дете кон крајот на минатата година, а нејзиниот долгогодишен партнер и познат пејач Енрике Иглесијас вчера ги покажа нивните заеднички малечки.
Потоа познатата Русинка реши да ја сподели истата фотографија, на која е прикажана како овековечува топол момент со нивните четири деца, а притоа откри и како Енрике и таа го крстиле своето четворто дете.
– Луси + Николас + Мери + Ромео – напиша Курникова и додаде четири срца, на што Иглесијас одговори со пет срца, веројатно алудирајќи на неа, која може да се види во аголот на фотографијата.
Ана Курникова и Енрике Иглесијас се обидуваат да ја сочуваат својата приватност од медиумите уште од почетокот на нивната врска, особено откако нивното семејство почна да расте.
Досега не беше познато кој пол е нивното четврто дете, а името е вистинско изненадување. Двојката избра италијанско име, повторно со меѓународен карактер, што ќе им биде практично со оглед на тоа што живеат во Мајами. Не е познато дали некое од нивните деца има руско име, но медиумите претходно пишуваа дека семејството на Мери Иглесијас ја вика Маша.
Потекло и значење на името Ромео
Името Ромео првично потекнува од грчкиот јазик бидејќи во Античка Грција било име дадено на граѓанин на Рим, а потоа во средниот век на аџија кој патувал во Рим.
Тој е најпознат во светот по Шекспировата трагедија „Ромео и Јулија“, а денес е симбол на романса и шармантен авантурист.